რუსთავში ხანძარს ქალი ემსხვერპლა
რუსთავში, მარის არხის დასახლებაში ხანძარს ქალი ემსხვერპლა. ინფორმაციას "ინფო რუსთავი" ავრცელებს.
ცეცხლი ერთ-ერთ ფიცრულში გაჩნდა, სადაც 70 წლამდე ქალი იმყოფებოდა, რომელმაც ფიცრულის დატოვება ვერ მოახერხა და ადგილზე დაიღუპა.
ცეცხლი, სავარაუდოდ, ელექტრო გამათბობლისგან გაჩნდა.
ადგილზე მობილიზებული იყო სახანძრო-სამაშველო, საპატრულო და კრიმინალური პოლიციის ეკიპაჟები.
