„მოუცურდა მანქანა და გადავარდა...“ - ასპინძა-ახალციხის გზაზე ავარია მოხდა
ასპინძა-ახალციხის გზაზე ავტოსაგზაო შემთხვევა მოხდა. ინფორმაციას „სამხრეთის კარიბჭე“ ავრცელებს.
არსებული ინფორმაციით, „ტოიოტას“ მარკის მანქანის მძღოლმა, სავარაუდოდ, საჭე ვერ დაიმორჩილა და გზის სავალი ნაწილიდან გადავარდა.
ფაქტზე გამოძიება 125-ე მუხლით დაიწყო. შემთხვევის შედეგად არავინ დაშავებულა.
„მოუცურდა მანქანა და გადავარდა გზიდან, როგორც ვიცით არავინ დაშავებულა“,- ამბობს ავარიის თვითმხილველი.
ფოტო: „სამხრეთის კარიბჭე“
