ქუჩაში არავინ დარჩება - ერდოღანმა პირველი კომენტარი გააკეთა
თურქეთის პრეზიდენტი, რეჯეფ თაიფ ერდოღანი სტიქიით ყველაზე მეტად დაზარალებულ ქალაქ ქაჰრამანმარაშში ჩავიდა.
პრეზიდენტი ადგილობრივ მოსახლეობას ჰპირდება, რომ ქუჩაში არავინ დარჩება.
ერდოღანის თქმით, დაზარალებულები შეძლებენ ანტალიის, ალანიისა და მერსინის სასტუმროებში დაბინავებას.
რაც შეეხება დანგრეულ ქალაქს, ერდოღანის თქმით, ახალი საცხოვრებელი კორპუსები ერთი წლის ვადაში აშენდება. ამასთან, თითოეული დაზარალებული ოჯახი მთავრობისგან დახმარების სახით 10 ათას ლირას მიიღებს.
