როგორ უნდა მოიქცეთ მიწისძვრის დროს? - 5 რჩევა, რომელიც უნდა იცოდეთ

თურქეთის ტერიტორიაზე, სირიის საზღვართან მომხდარი მიწისძვრის გამო მთელი მსოფლიო შეშფოთებულია. შესაბამისად, საზოგადოებას აინტერესებს, იცოდეს - როგორ უნდა მოიქცეს, როდესაც შესაძლო, ბიძგებს იგრძნობს.

მიწისძვრის დროს საფრთხის თავიდან ასაცილებლად, რეკომენდებულია რამდენიმე ქმედება: 

დარჩით ადგილზე! შეძვერით მაგიდის ან სხვა ავეჯის ქვეშ და ხელები ქვემოდან მიაბჯინეთ. მოშორდით ფანჯრებს, ბუხრებს, მძიმე ავეჯსა და ხელსაწყოებს;

არ გაიქცეთ კიბეებისკენ ან არ გავარდეთ გარეთ, ვიდრე ბიძგები არ შეჩერდება. როგორც კვლევებმა აჩვენა, ადამიანების დიდი ნაწილი დაზიანებებს ძირითადად შენობების დატოვების დროს იღებს;

სასწრაფოდ დატოვეთ სამზარეულო, რადგან შეიძლება, კედლიდან ავეჯი ჩამოცვივდეს

თავი შორს დაიჭირეთ ისეთი ნივთებისგან, რომლებიც შესაძლოა, ჩამოვარდეს, მაგალითად ჭაღი, კედლის კარადები და ა.შ.

არ გამოიყენოთ ლიფტი.