მაია სანდუმ პრემიერ-მინისტრობის ახალი კანდიდატი წარადგინა
მოლდოვის პრეზიდენტმა, მაია სანდუმ პრემიერ-მინისტრის თანამდებობაზე დორინ რეჩანის კანდიდატურა წარადგინა.
მანამდე დორინ რეჩანი მოლდოვის უსაფრთხოების უმაღლესი საბჭოს მდივნის თანამდებობას იკავებდა, ხოლო 2012-2015 წლებში შინაგან საქმეთა სამინისტროს ხელმძღვანელობდა.
დორინ რეჩანმა 2 კვირის განმავლობაში პარლამენტს ახალი მინისტრთა კაბინეტი და სამთავრობო პროგრამა უნდა წარუდგინოს.
ცნობისთვის, მოლდოვის პრემიერ-მინისტრი, ნატალია გავრილიცა დღეს თანამდებობიდან გადადგა.
