თურქეთში სამშენებლო კონტრაქტორები დააკავეს
თურქეთში მომხდარი მიწისძვრის შედეგად ჩამონგრეული შენობების მშენებლობასთან დაკავშირებით 113 პირის დაპატიმრების ორდერი გაიცა.
პოლიციამ უკვე დააკავა სულ მცირე 12 ადამიანი, მათ შორის სამშენებლო კონტრაქტორები.
მედიის ცნობით, მოსალოდნელია უფრო მეტი პირის დაპატიმრება.
ცნობისთვის, 6 თებერვალს თურქეთსა და სირიაში ძლიერი მიწისძვრების შედეგად, 28 ათასამდე ადამიანი დაიღუპა. ვარაუდობენ, რომ მიწისძვრის მსხვერპლთა რაოდენობა გამორმაგდება.
