ტრაგედია ბათუმში - 42 წლის ქალი მშობიარობის დროს გარდაიცვალა
ბათუმის საერთაშორისო საუნივერსიტეტო ჰოსპიტალში (ბაუ) 42 წლის, მშობიარე ქალი გარდაიცვალა.
გარდაცვალების ზუსტი მიზეზი ჯერჯერობით უცნობია, კლინიკაში აცხადებენ, რომ შემთხვევა დღეს მოხდა და გარდაცვლილი პროზექტურაშია გადასვენებული. ქალისთვის ეს მისი მეოთხე ორსულობა იყო.
კლინიკის დირექციის ცნობით, ახალშობილი რეანიმაციულ განყოფილებაშია მოთავსებული.
კლინიკასთან რამდენიმე წუთის განმავლობაში ხმაური იყო, ადგილზე პოლიციის გამოძახებაც გახდა საჭირო.
