"ვნებიან წერილებს ვეღარ ავუდივარ... მომდის ასეთი იდუმალი ჩურჩული: ნათია, ძალიან მოგვენატრე! ხომ არ დაგვივიწყე?" - ვინ და რას წერს ნათია ფანჯიკიძეს?

ფსიქოლოგი, ნათია ფანჯიკიძე სოციალურ ქსელში წერს, რომ "ბოლტის" ვნებიან წერილებს ხშირად იღებს.

"რა მაგის პასუხია და აფთიაქების ჰიპერ-ზრუნვას ძლივს ვუმკლავდებოდი და ახლა ბოლტის ვნებიან წერილებს ვეღარ ავუდივარ. 

ყოველ ცისმარე დღეს ვინმე გიორგი ბოლტის, მერაბ ბოლტის, ზურაბ ბოლტის.... სახელით იმაილზე მომდის ასეთი იდუმალი ჩურჩული:

"ნათია! ძალიან მოგვენატრე... ხომ არ დაგვივიწყე?

ერთად რამდენიმე მგზავრობა განვახორციელეთ და გვსურს მადლობა გადაგიხადოთ იმისთვის, რომ ჩვენი ერთ-ერთი საუკეთესო მგზავრი ხარ!

იმის შეფასება რომ შეგვეძლოს, თუ რამდენად გაფასებთ, კითხვების გარეშე 5 ვარსკვლავს მიიღებდი!"

სულ მინდა მივწერო, სხვა მიყვარს და მეგობრებად დავრჩეთ-თქო", - წერს ფანჯიკიძე.