ბათუმში, ქუჩაში ჩვილი იპოვეს
ბათუმში, ძველი მეჩეთის ტერიტორიაზე, მიტოვებული ჩვილი იპოვეს. ინფორმაციას "ბათუმელები" ავრცელებს.
გამოცემის ცნობით, ჩვილი ქუჩაში, მეჩეთის ახლოს კალათში იყო.
შს სამინისტროს განმარტებით, პროცესში ჩართულია სახელმწიფო ზრუნვის სააგენტოს სოციალური მუშაკი.
ახალშობილი ამ დროისთვის კლინიკაშია გადაყვანილი და მის სიცოცხლეს საფრთხე არ ემუქრება.
ფაქტზე გამოძიება სსკ-ის 127-ე მუხლით არის დაწყებული, რაც გულისხმობს ადამიანის სიცოცხლის საშიშ მდგომარეობაში ჩაყენებას.
