21 თებერვალს უკრაინა, ევროკავშირი და NATO პირველ სამმხრივ შეხვედრას გამართავენ
21 თებერვალს NATO, ევროკავშირი და უკრაინა სამმხრივ შეხვედრას გამართავენ. ამის შესახებ ინფორმაციას უკრაინული მედია ავრცელებს.
მათივე ინფორმაციით, შეხვედრას დაესწრებიან NATO-ს გენერალური მდივანი, იენს სტოლტენბერგი, ევროკავშირის უმაღლესი წარმომადგენელი, ჯოზეფ ბორელი და უკრაინის საგარეო საქმეთა მინისტრი, დმიტრო კულება.
შეხვედრა NATO-ს შტაბში გაიმართება, რის შემდეგაც მხარეები საერთო განცხადებას გააკეთებენ.
დმიტრო კულებამ აღნიშნა, რომ ეს ამგვარ ფორმატში NATO-ს, უკრაინისა და ევროკავშირის წარმომადგენლების პირველი შეხვედრაა.
"მე ველი შეხვედრას იენს სტოლტენბერგთან და ჯოზეფ ბორელთან, რათა გავაძლიეროთ ჩვენი პარტნიორობა ევროპისა და უკრაინის დაცვისთვის", - განაცხადა კულებამ.
