ესპანეთში დაკავებული 25 ქართველიდან 5 ქალია
ესპანეთში, მადრიდში ჩატარებული სპეცოპერაციის შედეგად 25-კაციანი ქართული კრიმინალური დაჯგუფება აიყვანეს. ესპანეთის პოლიციის ინფორმაციით, ისინი სხვადასხვა ქალაქში საცხოვრებელ სახლებს ძარცვავდნენ.
დაკავებულებს შორის 5 ქალია. ისინი ოჯახებში დამხმარეებად მუშაობდნენ.
მედიის ცნობით, საგამოძიებო მოქმედებების ფარგლებში, ჩხრეკა შვიდ მისამართზე ჩატარდა. ამოღებულია მოპარული ძვირადღირებული საათები, სამკაულები, ასევე ელექტრონული მოწყობილობები.
ადგილობრივი მედია არ გამორიცხავს დაკავებულთა წრე გაფართოვდეს.
