"ეს 22 წლის ბადრი ჭუმბურიძეა. უკვე მე-5 წელია თბილისში მეეზოვედ მუშაობს. სამაგალითო ბიჭია" - გოგა ჩანადირი
ფოტოხელოვანი, გოგა ჩანადირი 22 წლის ბადრი ჭუმბურიძეზე წერს, რომელიც დედაქალაქის სისუფთავეზე ზრუნავს.
"ეს 22 წლის ბადრი ჭუმბურიძეა.
უკვე მე-5 წელია თბილისში მეეზოვედ მუშაობს.
დედაენის ბაღი რომ სუფთაა, მისი დამსახურებაც არის.
მხოლოდ ხელფასი არ ყოფილა მიზეზი მეეზოვედ მუშაობა რომ დაეწყო.
რომ ვხედავდი, ხალხი ნაგავს ყრიდა, გადავწყვიტე, მე დამესუფთავებინაო - მეუბნება ბადრი.
სამაგალითო ბიჭია. არც მუშაობა ეუხერხულება, არც აუგად მოიხსენიებს ნაგვის დამყრელებს. ყოველდღე ასუფთავებს ჩვენს ქუჩებს.
დიდი მადლობა, ბადრი!", - წერს ჩანადირი.
