გალიფ ოზთურქს 8 წლიანი პატიმრობა მიუსაჯეს
ბათუმის საქალაქო სასამართლომ თურქი ბიზნესმენი გალიფ ოზთურქი დამნაშავედ ცნო და 8 წლით თავისუფლების აღკვეთა მიუსაჯა. გადაწყვეტილება მოსამართლე ლევან ყოლბაიამ ცოტა ხნის წინ გამოაცხადა.
გალიფ ოზთურქი 31 მაისს დააკავეს. მას ბრალად ედებოდა განსაკუთრებით დიდი ოდენობით ნარკოტიკული საშუალებებისა და ფსიქოტროპული ნივთიერებების უკანონო შენახვა. გამოძიების ინფორმაციით, ოზთურქის საცხოვრებელ ბინაში ჩატარებული ჩხრეკის დროს, 7 გრამზე მეტი კოკაინი ამოიღეს. თავად ოზთურქი ბრალს არ აღიარებს და პატიმრობას პოლიტიკურ დევნას უკავშირებს.
