„თქვენ არავინ გეკითხებათ, რა კანონი სჭირდება საქართველოს და რა არა“ – ლევან ნიკოლეიშვილი კელი დეგნანს
ყოფილი მაღალჩინოსანი, ანალიტიკოსი ლევან ნიკოლეიშვილი კელი დეგნანის განცხადებას სოციალურ ქსელში ეხმაურება.
„ქალბატონო ელჩო, თქვენი “მოღვაწეობის” მიწურულს მაინც დარჩით თქვენს კონსტიტუციურ ფარგლებში. თქვენ არავინ გეკითხებათ, რა კანონი სჭირდება საქართველოს და რა არა. ამას გადაწყვეტს ქართველი ხალხი და მის მიერ მანდატმინიჭებული ხელისუფლება. დარჩით თქვენ დიპლომატიურ ჩარჩოებში, ეს ქვეყანაა და არა გადახურული ტერიტორია, რომ აქ მენტორული ტონით ისაუბროთ.“ - წერს ნიკოლეიშვილი.
ცნობისთვის, საქართველოში აშშ-ის ელჩმა, კელი დეგნანმა განაცხადა, რომ „უცხოური გავლენის აგენტებთან“ დაკავშირებული კანონის მიღება საქართველოს არ სჭირდება.
