კორონავირუსი, სავარაუდოდ უხანის ლაბორატორიიდან გაჟონვის შედეგად წარმოიშვა - რას ამბობს FBI-ს დირექტორი?
"ეფბიაის“ დირექტორი, კრისტოფერ ვრეი აცხადებს, რომ COVID-19, სავარაუდოდ უხანის ლაბორატორიიდან საშიში ვირუსის გაჟონვის შედეგად წარმოიშვა. ამის შესახებ მან Fox News-თან ინტერვიუში განაცხადა.
"პანდემიის სავარაუდო წარმოშობა უხანის ლაბორატორიას უკავშირდება. ჩვენ ვსაუბრობთ პოტენციურ გაჟონვაზე ჩინეთის მთავრობის მიერ კონტროლირებადი ლაბორატორიიდან“, - აცხადებს ვრეი.
მან დასძინა, რომ ოფიციალური პეკინი ცდილობს ხელი შეუშალოს გამოძიებას კორონავირუსის წარმოშობის შესახებ.
"ჩინეთის მთავრობა, ყველაფერს აკეთებს იმისთვის რომ სამუშაო პროცესს ხელი შეუშალოს. ცდილობს პროცესი დაბლოკოს“, - აცხადებს "ეფბიაის“ დირექტორი.
