სტუდენტის სტატუსის მიუხედავად, წვევამდელებს სავალდებულო სამხედრო სამსახური მაინც მოუწევთ
თავდაცვის სამინისტროს ახალი "თავდაცვის კოდექსის" მიხედვით, სავალდებულო სამხედრო სამსახურის გავლა ყველა წვევამდელს მოუწევს, მათ შორის სტუდენტებსაც.
თავდაცვის მინისტრის მოადგილის თქმით, ყველა სტუდენტი არ დაექვემდებარება გაწვევას და მათი შერჩევა შემთხვევითობის პრინციპით, ელექტრონული პროგრამის საშუალებით მოხდება.
"დღეს გვაქვს სტუდენტის სტატუსი, როგორც გადავადების საფუძველი. შემოთავაზებული ცვლილებით, სტუდენტის სტატუსი არ არის გადავადების ავტომატური საფუძველი" - თქვა მინისტრის მოადგილემ საზოგადოებრივი მაუწყებლის ეთერში.
