თბილისში, ერთ-ერთ ეკლესიასთან სასულიერო პირი დანით დაჭრეს
თბილისში, ნუცუბიძის პლატოზე მდებარე ერთ-ერთ ეკლესიასთან, სასულიერო პირი დაჭრეს. ამის შესახებ ინფორმაციას pia.ge ავრცელებს.
მედიის ცნობით, ეჭვმიტანილი მღვდელს მოულოდნელად დაესხა თავს და დანით დაზიანებები მიაყენა. დანაშაულის ჩამდენ პირს სავარაუდოდ, ფსიქიკური ჯანმრთელობის პრობლემები აქვს და დანაშაულს რაიმე წინაპირობა არ ჰქონია.
დაშავებული კავკასიის მედიცინის ცენტრშია გადაყვანილი.
