სპეციალურად აკეთებენ გადაცემებს, რომ ვიღაცა მივიდეს და მღვდელს ზურგში დანა ჩაარტყას - მამა შალვა კეკელია (ვიდეო)

ვაკის მაცხოვრის ფერიცვალების სახელობის ტაძრის წინამძღვარი, მამა, შალვა კეკელია თბილისში სასულიერო პირის დაჭრის ფაქტს გამოეხმაურა. 

„გუშინ საშინელება მოხდა. მამაო დაჭრეს ტაძარში. ტაძრის კარებთან მისულ მამაოს უკნიდან დანა ჩაარტყეს. ღვთის მადლით სასწაულებრივად არის გადარჩენილი. გთხოვთ ლოცვებში მოიხსენიოთ მამა ცოტნე. ზუსტად ეს არის პროპაგანდას რომ იძახიან... წარმოიდგინეთ... რამდენი წელია ეკლესიაზე საშინელებებს რომ იძახიან, მღვდლები თურმე საშინელი ადამიანები არიან, ასეთები არიან. ზუსტად ასე დაიწყო კომუნისტების დროს. კომუნისტები ავრცელებდნენ პროპაგანდისტულ წერილებს და „მღვდლებს ხალხი არ აინტერესებთ“, „მღვდლები ეტლებში“. დღეს როგორ არის ? - „მღვდლები ჯიპებში“, მღვდლები ასე... უამრავი გადაცემაა და მერე ზუსტად ასე დაიწყო ქმედებები, მიდიოდა ვიღაცა და თავში რაღაცას ჩაარტყამდა, ზუსტად ასე დაიწყო მაშინაც. 

მერე ვიღაცები ტაძარს ბილწავდნენ, ახლავ დაწყებულია, სამწუხაროდ ახალგაზრდებს აბილწინებენ ტაძარს... ტაძარში შედიან და ბილწავენ ხატებს. ეს დაწყებულია, უამრავი ვიდეო არსებობს. ასე იყო კომუნისტების დროს, ამ ტელევიზიებმა, ქვეყნის მტრებმა... სპეციალურად აკეთებენ გადაცემას რომ ასეთი რაღაცები მოხდეს, რომ ვიღაცა მივიდეს და მღვდელს დანა ჩაარტყას ზურგში. 

მეც მახსოვს პანდემიის პერიოდში, სახეში მაფურთხებდნენ, „შენ მკვლელო“ მეძახდნენ პროპაგანდის გამო. ეს იქნება მეორედ მოსვლის შემდეგ. ყველაფერს ანადგურებენ რაც ღირებულია. პროპაგანდა მიდის სიბილწის, ცოდვის“, - აცხადებს მამა შალვა კეკელია. 

ცნობისთვის, 4 მარტს, თბილისში სასულიერო პირი დაჭრეს.  სასულიერო პირს ერთი ადამიანი ეკლესიასთან დახვდა და დაზიანებები მიაყენა. გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.