პარლამენტთან აქციაზე დაკავებული ყველა პირი თავისუფალია
პარლამენტთან აქციაზე დაკავებული ყველა პირი თავისუფალია. მათი ნაწილი ხელწერილის საფუძველზე, ნაწილი კი თბილისის საქალაქო სასამართლო დარბაზიდან გათავისუფლდა.
7 ადამიანის პროცესი 22 მარტამდე მტკიცებულებების მოპოვების მიზნით გადაიდო, დანარჩენის თარიღი უცნობია.
სამოქალაქო აქტივისტი, საბა მეურმიშვილი სასამართლომ დამნაშავედ ცნო და 2 300 ლარიანი ჯარიმა დააკისრა.
ყველა ბრალდებული თავს უდანაშაულოდ თვლის.
ცნობისთვის, 2 მარტს, „უცხოელი აგენტების შესახებ“ კანონპროექტის რეგისტრაციის საწინააღმდეგო აქციაზე 36 პირი დააკავეს.
