„სანქციებზე როცა დაიწყებთ სპეკულაციას, ფაქტები მოიშველიეთ ხოლმე“ - ზურაბ ქადაგიძე

“ხალხის ძალის” წევრი, ზურაბ ქადაგიძე სოციალურ ქსელში სტატუსს აქვეყნებს და წერს, რომ კარგი იქნება თუ ზოგიერთები სანქციებზე სპეკულაციის დაწყებამდე, ფაქტებს მოიშველიებენ.

“მას შემდეგ,რაც რუსეთი ბარბაროსულად შეიჭრა უკრაინის ტერიტორიაზე, მის  წინააღმდეგ ამოქმედდა 10 000მდე საერთაშორისო სანქცია და შეზღუდვა.

მსოფლიო ელოდება კონფლიქტის დამთავრებას, თუმცა ყოველდღიურად ვხედავთ გაორმაგებულ ძალისხმევას ოკუპანტის მხრიდან, მიაღწიოს სასურველ შედეგს.

ვრცელდება ინფორმაციები, რუსული სამხედრო  რესურსის ამოწურვის შესახებ, თუმცა ფაქტები საპირისპიროს მეტყველებს.

რატომ არ ეწურება მძიმე სამხედრო ტექნიკა და რა რესურსი ესაჭიროება რუსეთის ფედერაცის მხოლოდ ერთი ტანკისათვის?

მაგ: რუსული T-90

ერთი T-90ის ფასი, 3-4 მილიონი აშშ დოლარია.

(მარტივი არითმეტიკით)

ყოველდღიურად ხუთი T-90 -ის დაზიანებისა და განადგურების შემთხვევაში, რეზერვის შესავსებად თვიურად საჭიროა  150 ერთეული, რაც ფინანსურად 600 მილიონი დოლარია.

გუშინ გახდა ცნობილი რუსული გაზის მიწოდების რაოდენობა ევროპისთვის, უკრაინის გავლით, რამაც შეადგინა დღეში 38.1 მილიონი კბ/მ. ეს ფინანსურად დღეში 22 მილიონი დოლარია, რაც თავისთავად 660 მილიონ დოლარს შეადგენს თვიურად.

რა გამოდის, რომ მხოლოდ  გაზის იმპორტით  ევროპაში  უკრაინის გავლით, რუსეთს შეუძლია  170 დან 200 ერთეული მძიმე ტექნიკის ქონა?!

სანქციებზე როცა დაიწყებთ სპეკულაციას ზოგიერთები, ფაქტები მოიშველიეთ ხოლმე”, - წერს ქადაგიძე.