ბაკურიანში მსოფლიო ჩემპიონატი დასრულდა
მსოფლიო ჩემპიონატი, რომელიც ბაკურიანში 18 დღის განმავლობაში მიმდინარეობდა, დასრულდა. ჩემპიონატი ფრისტაილში, სნოუბორდსა და ფრისკიში მიმდინარეობდა და იგი პირდაპირ ეთერში 175 მილიონზე მეტმა ადამიანმა ნახა.
საქართველომ წარმატებით უმასპინძლა 42 ქვეყნის 700-მდე სპორტსმენს. ჩატარდა 30 ფინალი 7 სახეობაში. საერთაშორისო სათხილამურო ფედერაციის დელეგატებმა ჩატარებული ღონისძიება დადებითად შეაფასეს და ერთხმად აღიარეს, რომ საქართველომ მსოფლიო რუკაზე საპატიო ადგილი დაიკავა.
ჩემპიონატის სოფელში, 25-იანების ტერიტორიაზე დახურვის საზეიმო ღონისძიება გაიმართება.
