ბიუროს სხდომაზე ოპოზიციონერ დეპუტატებს არ უშვებენ
პარლამენტში ისევ ხმაური და დაძაბულობაა. ოპოზიციონერ დეპუტატებს ბიუროს სხდომაზე არ უშვებენ. სხდომაზე შესვლა სურთ "სტრატეგია აღმაშენებლისა" და "ნაციონალური მოძრაობის" წევრებს.
"ნაციონალური მოძრაობის" დეპუტატი, ანი წითლიძე ამბობს, რომ მას არ უშვებენ ქვედა სართულზეც, ტრიბუნასთან, სადაც ბრიფინგის ჩატარება სურს.
"პარლამენტის თავმჯდომარეს, რომელსაც პარლამენტის არჩეული დეპუტატებისგან სჭირდება აი ეს დაცვა, ეს სპეცსამსახურები რომ ბიუროს სხდომა ჩაატაროს, ეგ პარლამენტის თავმჯდომარე არ არის პარლამენტის თავმჯდომარე", - თქვა მან.
ცნობისთვის, 10:00-ზე საკანონმდებლო ორგანოში ბიუროს სხდომაა ჩანიშნული, სადაც პლენარული სხდომების დღის წესრიგს დაამტკიცებენ. სწორედ ამ თემაზე სურდა ოპოზიციას აზრის გამოხატვა.
