თურქეთში ზედიზედ რამდენიმე ძლიერი მიწისძვრა მოხდა (ვიდეო)
თურქეთში, ქალაქ კაისერში ზედიზედ ორი მიწისძვრა მოხდა. თურქული მედიის ინფორმაციით, პირველი მიწისქვეშა ბიძგის მაგნიტუდამ 4.7 შეადგინა, მეორემ - 4.3.
როგორც გავრცელებულ ვიდეოკადრებში ჩანს, შეშინებული მოსახლეობა შენობებიდან ქუჩაში გავიდა.
ნგრევისა და დაშავებულთა შესახებ ინფორმაცია არ ვრცელდება.
შეგახსენებთ, რომ 6 თებერვალს თურქეთში მომხდარი მიწისძვრების შედეგად 46 ათასზე მეტი ადამიანი დაიღუპა.
