"საქართველოში მიმდინარე მოვლენები სულ უფრო გვაშორებს ევროპულ ოჯახს! ევროპული მომავალი ქართველი ხალხის თავისუფალი არჩევანია!" - "სუხიშვილების" განცახდება
ქართული ეროვნული ბალეტი განცხადებას ავრცელებს. როგორც "სუხიშვილების" განცხადებაშია აღნიშნული, ევროპული მომავალი ქართველი ხალხის თავისუფალი არჩევანია.
"“სუხიშვილების” ანსამბლი უკვე ერთი თვეა საგასტროლო მოგზაურობაში ვიმყოფებით ევროპაში.
მაშინ როცა ევროპის სხვადასხვა ქალაქებში ქართულ ცეკვას და კულტურას ოვაციებით ხვდებიან, როცა სიამაყით ვაცხადებთ რომ საქართველოდან ვართ, ჩვენს ქვეყანაში მიმდინარე მოვლენები სულ უფრო მეტად გვაშორებს დიდ ევროპულ ოჯახს!
ევროპული მომავალი ქართველი ხალხის თავისუფალი არჩევანია! ეს არჩევანი საქართველოს კონსტიტუციით არის გამყარებული!
შეწუხებული ვართ თუ როგორ პასუხობს მთავრობა საზოგადოების მშვიდობიან პროტესტს და ვგმობთ ყველანაირ ძალადობას!
და ბოლოს, ჩვენ, “სუხიშვილები” - საქართველოს სახემწიფო ანსამბლი, იმედს ვიტოვებთ რომ ხელისუფლება გაითვალისწინებს საზოგადოების დიდი ნაწილის ნებას ამ კანონპროექტთან დაკავშირებით. საქართველო ეკუთვნის ევროპას და ეს არის ჩვენი ერთადერთი და სწორი არჩევანი", - ნათქვამია განცხადებაში.
