მოხარული ვართ, რომ კანონი გაწვეულია - ჯონ კირბი
ეროვნული უსაფრთხოების საკითხებში თეთრი სახლის სტრატეგიული კომუნიკაციების კოორდინატორმა, ჯონ კირბიმ განაცხადა, რომ ე.წ. აგენტების შესახებ კანონპროექტის გაწვევით მოხარულია.
„მოხარული ვართ, ვიხილოთ, რომ კანონი გაწვეულია და ვაგრძელებთ საქართველოს დემოკრატიული მომავლისა და ტრანსატლანტიკური მისწრაფებების მხარდაჭერას“, - განაცხადა კირბიმ მედიასთან.
ამასთან, როგორც ჯონ კირბიმ აღნიშნა, საჭიროა საქართველოში მეტი რეფორმა.
