"თქვენ მაგივრად მრცხვენია. ისე დაკარგეთ სახე, ვფიქრობ, თქვენს მეუღლესაც კი გაუჭირდება მისი პლასტიკური სახით აღდგენა" - ნუგზარ სულაშვილი ნინო ნადირაძეს
AFG გენერალური ასამბლეის აღმასრულებელი დირექტორი, ნუგზარ სულაშვილი კლინიკა „ვივამედის“ დირექტორს, ნინო ნადირაძეს სოციალურ ქსელში უპირისპირდება ამ უკანასკნელის მიერ გამოქვეყნებული სტატუსის გამო.
„ვანო პრემიერად, ლომჯარია სახალხო დამცველად, ადეიშვილი გადასახადების ამკრეფად... ეგრევე ვიღვიძებთ მონაკოში.
P.S. ხაბე განათლების მინისტრად“, - დაწერა ნადირაძემ.
აღნიშნული პოსტის ქვეშ კი სულაშვილმა შემდეგი სახის კომენტარი დატოვა:
"თქვენ მაგივრად მრცხვენია. ისე დაკარგეთ სახე, ვფიქრობ, თქვენს მეუღლესაც კი გაუჭირდება მისი პლასტიკური სახით აღდგენა".
შეგახსენებთ, რომ ე.წ. აგენტების კანონპროექტი, საპარლამენტო უმრავლესობამ რამდენიმედღიანი აქციების შემდეგ 10 მარტს კენჭისყრაზე ჩააგდო. აღნიშნულმა კანონპროექტმა საზოგადოებაში დიდი მღელვარება გამოიწვია.
