"სტიკერის გაკვრისთვის შუშანა მაცაბერიძეს 5 000-ლარიანი ჯარიმა გამოუწერეს" - რას წერს ელენე ხოშტარია?

სტიკერის გაკვრისთვის "დროას" წევრს 5 000-ლარიანი ჯარიმა გამოუწერეს. ამის შესახებ ინფორმაციას სოციალურ ქსელში "დროას" ლიდერი, ელენე ხოშტარია ავრცელებს. 

"5000 ლარიანი ჯარიმა სტიკერის გაკვრისთვის

დღეს "დროას" წევრს შუშანა მაცაბერიძეს სახლში 5 ცალი 1000 ლარიანი საჯარიმო ქვითარი მიუტანეს ფოტოზე აღბეჭდილი სტიკერის "თვითნებურად განთავსების" გამო.

პ.ს. სტიკერები უკრაინაში სრულმასშტაბიანი ომის დაწყებიდან 1 წლის თავზე დაგეგმილ აქციას ეხებოდა", - წერს ელენე ხოშტარია.

შეგახსენებთ, რომ 7,8 და 9 მარტს ე.წ. აგენტების კანონპროექტის წინააღმდეგ აქციები იმართებოდა. საპროტესტო მიტინგზე სპეცრაზმი გამოიყვანეს. მიტინგებზე 133 ადამიანი დააკავეს. აქცია 10 მარტს დეპუტატების მიერ კენჭისყრაზე კანონპროექტის ჩაგდების მერე დაიშალა.