დაპირისპირება მეგობრებს შორის - რა გახდა ბათუმში, 24 წლის ნიკა თუთაშვილის მკვლელობის მიზეზი? (ვიდეო)

ბათუმში, 24 წლის ნიკა თუთაშვილს ცივი იარაღით რამდენიმე ჭრილობა მიაყენეს, რის შედეგადაც ახალგაზრდა დაუღუპა. შემთხვევა გვიან ღამით, მემედ აბაშიძის ქუჩაზე მოხდა.

არსებული ინფორმაციით, ორ მეგობარს შორის სიტყვიერი შელაპარაკება ღამის კლუბში დაიწყო, შემდეგ კი ქუჩაში გადაინაცვლეს, სადაც 22 წლის კაცი, უახლოესმა მეგობარმა ცივი იარაღით სასიკვდილოდ დაჭრა. დაჭრილი, კლინიკაში მიყვანისთანავე გარდაიცვალა. 

ჯერჯერობით უცნობია დაპირისპირების მიზეზი. მოკლული ექსპერტიზის ბიუროდან, სახლში გადაასვენეს. 

სამართალდამცავებმა მკვლელობისთვის ბრალდებული, ალეკო სირაბაძე უკვე დააკავეს, ის ბრალს აღიარებს.  

შსს-მ საქმეზე გამოძიება სისხლის სამართლის 117-ე მუხლით დაიწყო, რაც ჯანმრთელობის განზრახ დაზიანებას გულისხმობს, რამაც ადამიანის სიკვდილი გამოიწვია.