რუსეთს იარაღის მარაგი ეწურება - ოლექსი დანილოვი
უკრაინის ეროვნული უშიშროებისა და თავდაცვის საბჭოს მდივანი, ოლექსი დანილოვი აცხადებს, რომ რუსეთს იარაღის მომზადებული მარაგი ეწურება.
"რუსეთს იარაღის მომზადებული მარაგი ეწურება. ეწურება რაკეტები და სამხედრო აღჭურვილობა, რომლებიც ათწლეულების განმავლობაში გროვდებოდა. მათი გათვლები ითვალისწინებდა ბლიცკრიგს და არა ბლიცუტილიზაციას.
რუსეთის კორუმპირებულ ეკონომიკას არ ძალუძს ფრონტის უზრუნველყოფა, ამიტომ ტერორისტული რუსეთისთვის საგარეო დახმარება უპირველესი მნიშვნელობის საკითხია“, - აცხადებს დანილოვი.
შეგახსენებთ, 2022 წლის 24 თებერვალს რუსეთის არმია უკრაინაში შეიჭრა.
