საქართველოდან რუსეთში შემოსულთა რაოდენობის ზრდა დაფიქსირდა - რას წერს რუსული მედია?
ჩრდილოეთ ოსეთში საქართველოს ტერიტორიიდან რუსეთში შემოსული ადამიანების რაოდენობის ზრდა დაფიქსირდა. გასული კვირის განმავლობაში ზემო ლარსის საგუშაგო 14 000-ზე მეტმა ადამიანმა გადაკვეთა. ამის შესახებ ინფორმაციას რუსული მედია, რუსეთის რეგიონის ვიცე-პრემიერზე ირბეკ ტომაევზე დაყრდნობით ავრცელებს.
„ბოლო ერთი კვირის განმავლობაში ზემო ლარსის გამშვები პუნქტი ორივე მიმართულებით 26 000-ზე მეტმა ადამიანმა გადაკვეთა. აღსანიშნავია, რომ რუსეთის ფედერაციის ტერიტორიაზე შემოსული ადამიანების რიცხვი გაიზარდა - 14 000-ზე მეტი ადამიანი" , - განაცხადა ტომაევმა.
მედია წერს, რომ ინფორმაცია რუსეთის შესასვლელებთან საცობების შესახებ გასულ კვირას საქართველოში საპროტესტო აქციების ფონზე გაჩნდა.
