ფინეთის პრეზიდენტი თურქეთში ჩავა ქვეყნის NATO-ში გაწევრიანების საკითხის განსახილველად
ფინეთის პრეზიდენტი, საული ნიინისტო ამ კვირის ბოლოს თურქეთში პრეზიდენტ, რეჯეფ თაიფ ერდოღანს შეხვდება, რათა განიხილოს ქვეყნის განაცხადი NATO-ში გაწევრიანების შესახებ.
ფინეთის პრეზიდენტის ადმინისტრაციის ინფორმაციის თანახმად, თურქეთში ვიზიტის ფარგლებში ნიინისტო მიწისძვრით დაზარალებულ რეგიონებს ეწვევა, შემდეგ კი მოლაპარაკებებისთვის სტამბულში გაემგზავრება.
ცნობისთვის, შვედეთმა და ფინეთმა NATO-ში გაწევრიანება უკრაინაში რუსეთის შეჭრის შემდეგ გადაწყვიტეს. ალიანსში მათ გაწევრიანებას ყველა წევრი სახელმწიფო უნდა უჭერდეს მხარს. ამჟამად ფინეთისა და შვედეთის NATO-ში გაწევრიანება თურქეთის მხარდაჭერაზეა დამოკიდებული. თურქეთი ამტკიცებს, რომ ორი ქვეყანა, განსაკუთრებით შვედეთი მხარს უჭერს ქურთისტანის მუშათა პარტიას (PKK), რომელიც თურქეთს ტერორისტულ ორგანიზაციად ჰყავს აღიარებული.
