აპლიკაციის გამოყენებით ჩინეთს მილიონობით ამერიკელის პირად მონაცემებზე მიუწვდება ხელი - აშშ შესაძლოა, TikTok-ი აიკრძალოს?
ამერიკის შეერთებული შტატების მთავრობა ითხოვს, რომ TikTok-ი სხვა მესაკუთრეზე გაიყიდოს, წინააღმდეგ შემთხვევაში, მობილური აპლიკაციის მოხმარება ქვეყანაში აიკრძალება.
ამჟამად TikTok -ი ჩინური კომპანიის, ბაიტ-დენსის მფლობელობაშია. ოფიციალური ვაშინგტონი აცხადებს, რომ აპლიკაციის გამოყენებით ჩინეთს მილიონობით ამერიკელის პირად მონაცემებზე მიუწვდება ხელი, რაც ეროვნული უსაფრთხოებისთვის რისკს წარმოადგენს.
BBC-ის ინფორმაციით, TikTok-ის ხელმძღვანელობაში აცხადებენ, რომ სხვა მფლობელზე გაყიდვით, მონაცემებზე წვდომის პოლიტიკა არ შეიცვლება.
