ე.წ. სამხრეთ ოსეთი და აფხაზეთი საქართველოს განუყოფელი ნაწილებია - ჯეიმს კლევერლი ოძისში, საოკუპაციო ხაზთან ჩავიდა
საქართველოს პრემიერთან შეხვედრის შემდეგ, გაერთიანებული სამეფოს საგარეო საქმეთა მინისტრი, ჯეიმს კლევერლი ოძისში საოკუპაციო ხაზთან ჩავიდა, სადაც რუსული ოკუპაციის შედეგად შექმნილ ვითარებაზე, დეტალური ინფორმაცია მოისმინა.
"ე.წ. სამხრეთ ოსეთი და აფხაზეთი საქართველოს განუყოფელი ნაწილებია, მოვუწოდებთ რუსეთს, შეასრულოს თავისი ვალდებულებები", - განაცხადა კლევერლიმ.
საზღვრისპირა სოფელში, გაერთიანებული სამეფოს საგარეო, თანამეგობრობისა და განვითარების საქმეთა სახელმწიფო მდივანმა, ერთ-ერთი საჯარო სკოლაც მოინახულა.
