ბაგების საერთო საცხოვრებელში პოლიცია შევიდა
„მაისის სტუდენტური მოძრაობის“ განცხადებით, ბაგების საერთო საცხოვრებელში პოლიცია შევიდა. პოლიციელებმა სტუდენტებს პირადი მონაცემები გამოართვეს.
სტუდენტების ცნობით, საპოლიციო რეჟიმი აქტიურ მოქმედებას იწყებს და ბოლო დროს ქვეყანაში საპროტესტო გამოსვლებში მონაწილე სტუდენტების გასანეიტრალებლად სხვადასხვა გზებს ეძებენ.
მათივე ცნობით, აღნიშნული ფაქტი არის პირდაპირი გზავნილი სტუდენტებისთვის, რომ თუ გაბედავენ, ნებისმიერი სახით, სახელმწიფოში გაბატონებული უთანასწორობის წინააღმდეგ ბრძოლას, მათ სახელმწიფო საპოლიციო რეჟიმი პასუხს გასცემს.
