დასახლებები და სოფლები მსოფლიოში, რომლებიც შეგიძლიათ იაფად შეიძინოთ (ფოტოები)

მსოფლიოს სხვადასხვა ქვეყანაში ბაზარზე მთლიანი სოფლები და დასახლებებიც იყიდება და თქვენ წარმოიდგინეთ, საკმაოდ იაფადაც. წარმოგიდგენთ რამდენიმე მათგანს:

Bridgeville, კალიფორნია, აშშ: 1.5 მილიონი დოლარი

ქალაქ ბრიჯვილში მთლიანი სოფელი 1,5 მილიონ დოლარად იყიდება. ულამაზესი სოფელი, რომელიც მე-19 საუკუნის ბოლოს დაარსდა, იდილიური ტყის პეიზაჟების გვერდით მდებარეობს. ქალაქში გადის მდინარე ვან დუზენი. 83 ჰექტარი ფართობის სოფელი პირველია, რომელიც eBay-ზე მოხვდა. წლების წინ სოფელი გაიყიდა, თუმცა მეპატრონის გარდაცვალების შემდეგ, იგი ისევ ბაზარზე გამოიტანეს.

ამჟამად ობიექტი საჭიროებს რემონტს, თუმცა სპეციალისტების განცხადებით, მას აქვს დაუსრულებელი პოტენციალი ყველა თვალსაზრისით.

Edelweiss Village, კანადა: 1.8 მილიონი დოლარი

Edelweiss Village არის უნიკალური უძრავი ქონება კანადაში. სოფელი 1910-დან 1912 წლამდე აშენდა, როგორც შვეიცარიელი გიდების ბაზა. დღეს ადგილი მიტოვებულია. ამიტომ იგი 1,8 მილიონ დოლარად იყიდება. ადგილზე თქვენ ნახავთ ქვისგან აშენებული ულამაზეს სახლებს და ძველებურ ინტერიერს. აღსანიშნავია, რომ სოფელში მკაცრი კლიმატია.

Sätra Brunn, შვედეთი: 7.7 მილიონი დოლარი

1700-იან წლებში დაარსებული Sätra Brunn-ი თავდაპირველად დაარსდა, როგორც ველნეს სოფელი, როდესაც ადგილზე ბუნებრივი მინერალური წყარო აღმოაჩინეს. ის ძალიან პოპულარული ადგილი იყო. ახლა Christie's International უძრავი ქონების პლატფორმა მას 7,7 მილიონ დოლარზე ოდნავ მეტად ყიდის. დასახლება მოიცავს დაახლოებით 59 ჰექტარს და მასში განთავსებულია 70 შენობა. სასტუმროები, საბავშვო ბაღი, სკოლა, რესტორნები, საკონფერენციო ცენტრები, ეკლესია, სპორტული დარბაზი, აუზი და ყველა საჭირო ობიექტი, რომელიც ჩვეულებრივად ქალაქში ფუნქციონირებს.

Xerdiz, ესპანეთი: 487,400 დოლარი

სოფელი Xerdiz 12 ჰექტარზე მეტ მიწაზე გაშენებულ წყნარ ადგილას მდებარეობს. დასახლება ბაზარზე დაახლოებით 487,400 დოლარად იყიდება. ადგილზე განთავსებულია ექვსი შენობა, ქვის და ხის ნაგებობები. Xerdiz იდეალური ადგილია მათთვის, ვისაც სურს გაექცეს ხმაურს და დიდი ქალაქების რიტმს.