სი ძინპინი მოსკოვში ჩავიდა
ჩინეთის პრეზიდენტი სი ძინპინი მოსკოვში ოფიციალური ვიზიტით ჩავიდა. ამის შესახებ ინფორმაციას BBC ავრცელებს.
ჩინეთის პრეზიდენტის თვითმფრინავი ქალაქ მოსკოვში "ვნუკოვოს" საერთაშორისო აეროპორტში დაჯდა.
რუსეთის პრეზიდენტის პრეს-სპიკერის, დიმიტრი პესკოვის განცხადებით, ვლადიმერ პუტინისა და სი ძინპინის შეხვედრა კრემლში, ადგილობრივი დროით, 3 საათზე დაიწყება.
