"სიკეთის გასაკეთებლად მხოლოდ ცოდნა საკმარისი არ არის - სიყვარული და შესაფერისი მიზანიც აუცილებელია" - გია მურღულია
ფილოლოგი, გია მურღულია წერს, რომ ადამიანმა არამხოლოდ უნდა იცოცხლოს, არამედ იცხოვროს კიდეც.
"ამბობენ, რომ ისტორიის გზაზე მცოდნე კაცს ჩამორჩა კარგი კაცი.
სიკეთის გასაკეთებლად მხოლოდ ცოდნა საკმარისი არ არის - სიყვარული და შესაფერისი მიზანიც აუცილებელია.
ეს ტრივიალური ჭეშმარიტებაა და თითქოს ყველამ იცის, მაგრამ იცოდე, ავტომატურად არ ნიშნავს იმას, რომ აკეთებდე.
ახალი დღე გათენდა - შეაზავეთ ერთმანეთს ცოდნა და ქცევა.
ეს დღეც სიტყვისა და კარგი საქმის გაერთიანების შესაძლებლობაა, რომელიც ღმერთმა კიდევ ერთხელ მოგვცა.
საკმარისი არ არის - უბრალოდ იცოცხლო.
უნდა იცხოვრო კიდეც", - წერს მურღულია.
