ეს არ არის კლინიკა, ეს არის უშიშროების სამსახური - გიული ალასანია „ვივამედზე“
საქართველოს ექსპრეზიდენტის, მიხეილ სააკაშვილის დედამ, გიული ალასანიამ განაცხადა, რომ კლინიკა „ვივამედი“, სადაც მისი შვილი წევს, უშიშროების სამსახურია.
„თუ ვინმეს რაღაც დონეზე არ დაემორჩილა, ეს არის უნდობლობის გამო. სრულიად საფუძვლიანია მისი მხრიდან ეს უნდობლობა, იმიტომ რომ ადამიანი ციხეში მოწამლეს და დღემდე ისევ ციხეშია. სადაც ჩემი შვილია მოთავსებული, ეს არ არის კლინიკა, ეს არის უშიშრების სამსახური, სადაც ყველა გადაწყვეტილებას უშიშროება იღებს“, - აღნიშნა ალასანიამ.
