"ათეულობით ჭრილობა მიაყენა და ცხედარს ცეცხლი წაუკიდა“ - შსს მუხიანში მომხდარ სასტიკ მკვლელობაზე

თბილისში, მუხიანში ლიფტში ნაპოვნი გარდაცვლილი კაცის საქმეზე ერთი პირი დააკავეს. შინაგან საქმეთა სამინისტროში მკვლელობის დეტალებზე საუბრობენ და აცხადებენ, რომ დაკავებულს განსაკუთრებული სისასტიკით ჩადენილი განზრახ მკვლელობა ედება ბრალად.

გამოძიების ინფრომაციით, 39 წლის კაცმა ურთიერთშელაპარაკების ნიადაგზე, ნაცნობს ცივი იარაღით ათეულობით ჭრილობა მიაყენა, შემდეგ კი, კვალის დაფარვის მიზნით ცხედარს ცეცხლი წაუკიდა

"შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, 1984 წელს დაბადებული ე.ა. განსაკუთრებული სისასტიკით ჩადენილი განზრახ მკვლელობის ბრალდებით, დააკავეს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.

"გამოძიებით დადგინდა, რომ ბრალდებულმა მიმდინარე წლის 22 მარტს, თბილისში, ურთიერთშელაპარაკების ნიადაგზე, ცივი იარაღით ათეულობით ჭრილობა მიაყენა ნაცნობს - 1959 წელს დაბადებულ რ.მ.-ს, შემდეგ კი, კვალის დაფარვის მიზნით, ცხედარს ცეცხლი წაუკიდა და შემთხვევის ადგილიდან მიიმალა. პოლიციამ, ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულში ბრალდებული ე.ა. მომხდარიდან რამდენიმე საათში დააკავა. გამოძიება საქართველოს სისხლის სამართლის კოდექსის 109-ე მუხლის “მ” ქვეპუნქტით მიმდინარეობს, რაც განსაკუთრებული სისასტიკით ჩადენილ განზრახ მკვლელობას გულისხმობს“, - აღნოშნულია შსს-ს განცხადებაში.

ცნობისთვის, 22 მარტს მუ­ხი­ან­ში, დუმ­ბა­ძის ქუ­ჩა­ზე მდე­ბა­რე ერთ-ერთი კორ­პუ­სის ლიფ­ტში გარ­დაც­ვლი­ლი მა­მა­კა­ცი იპო­ვეს. გარ­დაც­ვლილს სხე­ულ­ზე დამ­წვრო­ბა აღე­ნიშ­ნე­ბო­და და ჭრი­ლო­ბე­ბი ცივი ია­რა­ღით ჰქონ­და მი­ყე­ნე­ბუ­ლი. გარ­დაც­ვლი­ლი 64 წლის რა­მაზ ბა­სი­ლა­ძეა, რო­მე­ლიც ამავე კორ­პუს­ში ცხოვ­რობ­და.