ვფიქრობ, „ნაციონალურ მოძრაობასა“ და „ქართულ ოცნებას“ შორის შეთანხმებულია, რომ მმართველ გუნდს მძიმე დღეები უფრო მარტივად გადაეტანა - იაგო ხვიჩა

ჩემი აზრით, „ნაციონალურ მოძრაობასა“ და „ქართულ ოცნებას“ შორის შეთანხმებულია, რომ მმართველ გუნდს უფრო მარტივად გადაეტანა მძიმე დღეები, რაც გამოწვეული იყო რუსული კანონით და „თავდაცვის კოდექსით“, – ამის შესახებ „გირჩის“ წევრმა, იაგო ხვიჩიამ განაცხადა.

იაგო ხვიჩია „ნაციონალური მოძრაობის“ ბოიკოტის რეჟიში ყოფნას გამოეხმაურა.

„შეთანხმების გარეშე, არ მეგულება იმ ხარისხის სიბრიყვე, რომელიც დაუშვებდა, რომ „ქართული ოცნებისთვის“ ბოიკოტი გამოგეცხადებინა და ბრძოლის ველიდან საერთოდ გაქცეულიყავი“, – განაცხადა იაგო ხვიჩიამ.

პარლამენტმა „უცხოური აგენტების“ შესახებ სადავო კანონპროექტი პირველი მოსმენით 7 მარტს მიიღო. ორდღიანი ხალხმრავალი პროტესტის და საერთაშორისო საზოგადოების მოწოდებების ფონზე, „ქართულმა ოცნებამ“ და „ხალხის ძალამ“ ეს კანონპროექტი 9 მარტს ჩააგდეს.