"აჭარული ხაჭაპური, ხინკალი, ელარჯი... ჩოხაზე და მის ელემენტებზე ვგიჟდები..." - როგორ მოირგო გურამ შეროზიამ ქართული ტრადიციული სამოსი? (ფოტო)
ბლოგერი, გურამ შეროზია სოციალურ ქსელში წერს, რომ ბოლო პერიოდში ქართული კულტურის სხვადასხვა შემადგენელი ასპექტები ძალიან მოსწონს.
"ძააან ქართველმა გაიღვიძა ჩემში ბოლო პერიოდში:
- ჩოხაზე და მის ელემენტებზე ვგიჟდები
- ღვინო და სადღეგრძელოებიც მიყვარს
- ტრადიციებს სულ ვაპიარებ, სადაც ვმოგზაურობ და ქვეყნის ქებაში ვარ
- ენები ვიცი ოხრად, ამერიკის ათ წლიანი ვიზა მაქვს და მაინც სხვაგან ვერსად წარმომიდგენია ცხოვრება
- აჭარული ხაჭაპური, ხინკალი, ელარჯი, ლობიო და ა.შ. მირჩევნია ყველა ევრაზიულ კერძს...
- გურამი მქვია და არაადროს მიცდია გუგად, გუროდ და სხვა სახელებად გადავკეთებულიყავი
მეტი რა ვქნა? მგონი ჩოხასაც ვიხდენ", - წერს შეროზია.
