იცით, ირმის ნახტომის ახალ ფოტოზე, რამდენი ციური სხეული ჩანს? - (ფოტო)

ფოტო, რომელსაც ზემოთ ხედავთ, ორწლიანი მუშაობის შედეგია — 10 ტერაბაიტის მოცულობის მონაცემები, 21 400 ცალკეული ექსპოზიციის კომბინაცია; შედეგად მიღებულ სურათზე კი ასახულია 3,32 მილიარდი ციური სხეული.

კოსმოსის ამ თვალწარმტაცი კადრისთვის უნდა ვუმადლოდეთ ბნელი ენერგიის კამერას (DECam), ხელსაწყოს, რომელიც ჩილეში, სერო-ტოლოლოს ინტერამერიკული ობსერვატორიის (CTIO) 4-მეტრიან ტელესკოპზეა დამონტაჟებული.

სურათი კოსმოსის ამ კონკრეტული ნაწილის იმდენ დეტალს გვთავაზობს, როგორც არც ერთი სხვა კადრი აქამდე — მოიცავს მთლიანი ღამის ცის დაახლოებით 6,5 პროცენტს და ფოკუსირებულია ირმის ნახტომის გალაქტიკურ სიბრტყეზე, სადაც თავს იყრის გალაქტიკის მასის დიდი ნაწილი.

წყარო: პირველი არხი.