კაცმა დანით 2 ადამიანი მოკლა, რამდენიმე კი, დაჭრა - რა მოხდა პორტუგალიაში?
პორტუგალიის დედაქალაქ ლისაბონში, „ისმაილის მუსლიმთა ცენტრში“ ცივი იარაღით შეიარაღებულმა მამაკაცმა ორი ადამიანი მოკლა, რამდენიმე კი - დაჭრა. ინფორმაციას გამოცემა „დოიჩე ველე“ ავრცელებს.
ადგილობრივი სამართალდამცავების განცხადებით, თავდამსხმელი დაკავების დროს დაიჭრა და საავადმყოფოში იმყოფება.
„სერიოზული საფრთხის წინაშე მყოფმა პოლიციელებმა პირის წინააღმდეგ ცეცხლსასროლი იარაღი გამოიყენეს და აგრესორი გაანეიტრალეს“, - აცხადებენ პოლიციაში.
CNN Portugal -ის ცნობით, თავდამსხმელი ავღანელია.
