რუსეთის ელჩი შვედეთის საგარეო საქმეთა სამინისტროში დაიბარეს
NATO-ში შვედეთის გაწევრიანების შესახებ განცხადების გამო, შვედეთის საგარეო საქმეთა სამინისტრომ სტოკჰოლმში რუსეთის ელჩი გამოიძახა.
"საგარეო საქმეთა სამინისტრო რუსეთის ელჩს იბარებს, რათა გააპროტესტოს ჩარევის აშკარა მცდელობა", - განუცხადა შვედეთის საგარეო საქმეთა მინისტრმა.
შვედეთმა და ფინეთმა NATO-ში გაწევრიანება 2022 წელს, უკრაინაში რუსეთის შეჭრის შემდეგ გადაწყვიტეს. ორი ქვეყანა იმედოვნებს, რომ გაწევრიანების პროცესი ამ წელს დასრულდება.
