ვლადიმერ პუტინმა საგაზაფხულო გაწვევის განკარგულებას ხელი მოაწერა
რუსეთის პრეზიდენტმა, ვლადიმერ პუტინმა ხელი მოაწერა განკარგულებას 2023 წლის აპრილ-ივლისში რუსეთის ფედერაციის მოქალაქეების სამხედრო სამსახურში გაწვევისა და სამხედრო სამსახურში გაწვეული მოქალაქეების სამხედრო სამსახურიდან გათავისუფლების შესახებ. ინფორმაციას რუსული მედია ავრცელებს.
გავრცელებული ინფორმაციით, საგაზაფხულო გაწვევა იწყება 1 აპრილს და მთავრდება მხოლოდ 15 ივლისს.
გაწვევას ექვემდებარებიან 18-დან 27 წლამდე ასაკის მამაკაცები.
რუსული მედიის ინფორმაციით, ამჯერად დაგეგმილია 147 000 წვევამდელის გამოძახება.
