„დარწმუნებული ვარ, ამ შიშველ კაცსა და ხანძარს შორის კავშირი იქნება“ - რა ვიდეო ვრცელდება სოციალურ ქსელში?
სოციალური ქსელის მომხმარებელი, მაიკო ჩიტაია „ფეისბუქის“ პირად გვერდზე წერს, რომ სანამ სასტუმრო „ამბასადორში“ ხანძარი გაჩნდებოდა ბოლო სართულის აივანზე გინების ხმა ისმოდა.
„ზუსტად 1 საათის წინ, ამბასადორთან ვიდექით საცობში და ისტერიული გინება შემოგვესმა. ეს იყო კივილი-გინება. ამბასადორის ბოლო საცხოვრებელი სართულის აივანზე ტიპი იდგა ტრუსიკში და არანორმალური ხმით იგინებოდა. ცოტა ხანში, შევარდა შიგნით და მოიჯახუნა კარი. ვიფიქრეთ, არ იყო ფხიზელი. სულ რაღაც 20 წუთში ეს ხანძარი ვნახე უკვე სოც. ქსელში. რატომღაც დარწმუებული ვარ, ამ ტიპსა და ხანძარს შორის კავშირი იქნება“, - წერს ჩიტაია.
ცნობისთვის, სოციალურ ქსელში გავრცელდა ვიდეო ცეცხლმოკიდებული „ამბასადორიდან“, რომლის აივნიდან ახალგაზრდა კაცი შიშველ ტანზე მოსხმული ხალათით პოზირებს.
ვიდეოს სპეციალურად არ ვაქვეყნებთ, რადგან შეიცავს სიშიშვლის ამსახველ კადრებს.
შეგახსენებთ, „ამბასადორში“ ძლიერი ხანძარი დღეს, 31 მარტს გაჩნდა. ადგილზე 10-მდე სახანძრო მანქანა მუშაობდა. ხანძრის ლოკალიზება დაახლოებით 40 წუთში შეძლეს.
