„ამ გამოსვლის შემდეგ ფსიქიკურად განადგურებული ვიყავი“ - ნუცა ბუზალაძე
მომღერალი, ნუცა ბუზალაძე American ido-ის მესამე ტურში მისი და კარინას გამოსვლას აფასებს და წერს, რომ ეს ყველაზე დიდი გამოცდა იყო მის ცხოვრებაში.
“ყველაზე დიდი გამოცდა ჩემს ცხოვრებაში! ამ ვიდეომ ცრემლები მომიტანა და არა სიხარულის ცრემლები. ეს პირველი შემთხვევაა ჩემს ცხოვრებაში, როცა გამარჯვებას არ ვზეიმობ, სამაგიეროდ, ვგრძნობ, რომ სწორად ავხსნა საკუთარი თავი.
დასაწყისისთვის, კონკურსის წესია ყველა რეპეტიციაზე დროულად დასწრება – არცერთ მონაწილეს არ აქვს უფლება, გამოტოვოს ის, რომ აღარაფერი ვთქვათ იმ ფაქტზე, რომ არასდროს მეზარება შესრულება, თუნდაც ეს ბევრჯერ ვივარჯიშო – რადგან შესრულება ჩემი ცხოვრებაა, ჩემი ყველაზე დიდი გატაცება ცხოვრებაში!
გულწრფელად გითხრათ, ამ გამოსვლის შემდეგ ფსიქიკურად განადგურებული ვიყავი, მიუხედავად იმისა, რომ ძალიან ვცდილობდი, სიძლიერი შემენარჩუნებინა. ალბათ ყველამ შეამჩნიეთ, როგორ ვნერვიულობდი. მეგონა, უკვე გავიდა, მაგრამ ვიდეომ დამიბრუნა ის მოგონებები და სევდის განცდა… და ძნელია გაუმკლავდე, მაგრამ რადგან ეს კონკურსია – არა კონცერტი, არამედ კონკურსია, ვცდილობ ვიყო ძლიერი, თორემ გამიჭირდება წავიდე უფრო შორს – ეს არის ცხოვრება…
მინდა ყველამ იცოდეთ, რომ ლოს-ანჯელესში მისასვლელად 17-საათი ვიფრინე, გადაღებამდე სულ რაღაც 1 დღით ადრე. როგორც დაგეგმილი იყო, ყოველდღე ჩვენი გადაღებები დილის 7 საათზე იწყებოდა და ხან 3-4 საათამდე გრძელდებოდა. ოფიციალური რეპეტიციების შემდეგ არ ვიცოდი, რომ დამატებითი ვოკალური რეპეტიციები გვქონდა, ალბათ გამომრჩა ეს ინფორმაცია, ჩემთვის ცუდი. თუმცა, ერთხელ კარინამ დამირეკა, მოვემზადე და დავბრუნდი, როგორც კი შემეძლო, კიდევ უფრო მეტი რეპეტიციისთვის, მივხვდი, რომ კარინა იმ დროისთვის თავს კომფორტულად არ გრძნობდა და ყველაფერი გავაკეთე, რომ იმდენი რეპეტიცია გამეკეთებინა, რამდენიც უნდოდა, მართლა მსურდა ეს გამოცდილება ორივესთვის დაუვიწყარი გამხდარიყო. ამ გამოსვლით ხომ ორივეს სიამოვნება უნდა მიგვეღო, და ის, რომ კარინა არ იყო კმაყოფილი, მართლა ძალიან გამაბრაზა. იმიტომ რომ ძალიან ნიჭიერი გოგოა, ძლიერი ვოკალით და დარწმუნებული ვარ კარიერულ ცხოვრებაში ბევრს მიაღწევს და ყველაფერს საუკეთესოს ვუსურვებ.
როგორც საბოლოო შენიშვნა, გულწრფელად ვიმედოვნებ, რომ უკეთ გამიცნობთ მე და ჩემს პიროვნებას. ყველანი ძალიან მიყვარხართ! და დიდი მადლობა მხარდაჭერისთვის”, - ამბობს ბუზალაძე.
