სილვიო ბერლუსკონი კლინიკაში გადაიყვანეს - რას სჭირს იტალიის ყოფილ პრემიერს?
იტალიის ყოფილი პრემიერ-მინისტრი, სილვიო ბერლუსკონი კლინიკაში გადაიყვანეს. გავრცელებული ინფორმაციით, მას სუნთქვის პრობლემები აქვს.
ბოლო წლებში ბერლუსკონის ჯანმრთელობასთან დაკავშირებული სერიოზული პრობლემები ჰქონდა, მათ შორის 2020 წელს მძიმედ გადაიტანა კორონავირუსით ინფიცირება. გარდა ამისა ის წლებია კარდიოსტიმულატორს ატარებს, 2016 წელს მან გულის ოპერაცია გაიკეთა აორტის სარქვლის გამოსაცვლელად. ბოლო წლებში ასევე დაამარცხა პროსტატის კიბო.
