თურქეთში ნანგრევებში ნაპოვნი 2 თვის ჩვილი დედასთან დააბრუნეს
6 თებერვალს, თურქეთში მომხდარი მიწისძვრის დროს, ნანგრევებში ნაპოვნი 2 თვის ბავშვი დედასთან დააბრუნეს.
ბავშვი მიწისძვრიდან 128 საათში იპოვეს. თავდაპირველად გავრცელდა ინფორმაცია, რომ მისი დედა მიწისძვრას შეეწირა, თუმცა, აღმოჩნდა, რომ ქალი ცოცხალია და დნმ-ის ტესტით შემოწმების შემდეგ, ბავშვი დედასთან დაბრუნდა.
თურქეთში მომხდარ მიწისძვრებს სირიასა და თურქეთში ათიათასობით ადამიანი ემსხვერპლა.
