12-პუნქტიანი გეგმის შესასრულებლად ყველაფერს გავაკეთებთ - კახა კალაძე
თბილისის მერმა, კახა კალაძემ განაცხადა, რომ ყველაფრის მიუხედავად, 12-პუნქტიანი გეგმის შესასრულებლად მთავრობა ყველაფერს გააკეთებს.
"რაც შეეხება 12-პუნქტიან გეგმას, ჩვენ არაერთხელ გვითქვამს, რომ ყველაფერს გავაკეთებთ, რათა შესრულდეს რეკომენდაცია, ე.წ. გზამკვლევი, რომელიც არის წარმოდგენილი. ჩვენ შეგვეძლო 12-პუნქტიანი გეგმის გარეშეც მიგვეღო სტატუსი, ამაზე მეტყველებს ის, რომ გარკვეულ ქვეყნებს მისცეს კანდიდატი ქვეყნის სტატუსი. როგორც ჩანს, ჩვენს შემთხვევაში ამას სხვა რამისთვის იყენებენ, მაგრამ ამის მიუხედავად, ჩვენს გასაკეთებელს აუცილებლად გავაკეთებთ. შემდეგ ყველაფერი მათზე იქნება დამოკიდებული, თუ რა გადაწყვეტილებას მიიღებენ“, - განაცხადა კახა კალაძემ.
